Hans Bruchhausen - 75 Johr

75 Johr Rhein-Berg

Wat, wo un wie et wor
vüür Daach un Johr.
Dofür interessieren sesch ärsch
vell beim Verein Rhein-Bärsch.
Dat sin hück
bahl 600 Lück.

Se luuren noh,
wie wor dat fröher do.
Wie wor die Zick,
met de kleen Lück?
Wat für’n Pläsier
hatten de huh Dier?
Wat jütt et für Spuren
von Pastürsch un Buuren?
Wat däten us Ahne
baue un plane ?

Es et jelonge,
dat se jett eruusjefonge,
dunn se dat opschrieve,
dat et deet blieve.
En Vüürdrääsch un Broschüre
kammer dat lesse un hüüre.
Kütt en de „Bensbärjer Bote“ eren
un en  „Heemet tösche Sülz un Dhünn“.

Wat se däte opspüre
kammer och em „Radio Bärsch“ hüüre.

Wer jett weeß
es en nem Arbeetskrees.
Ahnenforschung es noch jett,
wat mr jäen hätt.

Platt kalle
deet vellen jefalle.
Dat Kulturjut dunn se deswäje
bei Kaffee un Kooche fläje.

Em Jeschischtelokal GL
fengk, dä  jett wesse well,
emmer noch jett
wo hä Spass draan hätt.

Wer hätt
en Internet,
dä kann hüüre un sinn,
wat em Archiv es dren.

Exkursione
dunn sesch lohne,
dobei wüerd mr sujar
emmer jett Neues jewahr.

75 Johr es ärsch vell,
wemmer su well.
Su wönschen mir
noch vell Pläsier.
Wat ühr doot,
maat et jood
un bliet noch lang
su am Jang,
en erfolschreische Zick.
un ärsch vell Jlöck.

Hans Bruchhausen   (19.9.2010)

 

Quelle: 
Hans Bruchhausen 2010
Freigabe: 
Freigegeben für den BGV Rhein-Berg
AnhangGröße
75-Jahre-Abteilung-Rhein-Berg.pdf48793 Bytes